SálarRó er einstaklingavirkið hjá Mariu Hanusson Joensen, løggildugum sálarfrøðingi. Eg veiti viðgerð og aðra tænastu til privat viðskiftafólk, sjúklingar ávístir av lækna undir sáttmála við Heilsutrygd, almennar stovnar og barnaverndar-tænastur, umframt kreppuhjálp og ráð- og vegleiðing til fyritøkur. Í hesum sambandi viðgeri eg persónsupplýsingar, sum eru neyðugar fyri at kunna veita sálarfrøðiliga tænastur. Hendan dátuverndarkunningin gevur tær kunnleika um, hvussu SálarRó viðger persónsupplýsingar og hvørji rættindi tú hevur.
Ein “persónsupplýsing” er ein og hvør upplýsing og meting, sum er knýtt ella kann knýtast at einum ávísum likamligum persóni. Tað kann vera talan um faktuellar upplýsingar (sum navn, bústaður, aldur, starv, inntøka, útbúgving), ein samanseting av slíkum upplýsingum, ella metingar knýttar at einum likamligum persóni.
Ábyrgd
At ”viðgera” persónsupplýsingar er at nýta persónsupplýsingarnar. Dømi um viðgerð er savnan, skráseting, samkoyring, goyming, víðarigeving, avhending o.a. ella ein sameining av hesum, líkamikið um henda er automatisk ella ei. Øll nýtsla av persónsupplýsingum nevnist ”viðgerð”.
SálarRó viðgerð allar upplýsingar á ein lógligan og tryggan hátt. Øll eiga at kenna seg heilt trygg við, at persónsupplýsingar verða væl vardar.
Endamál
SálarRó viðgerð persónsupplýsingar um teg til hesi endmál:
- Viðgerð av tær
- Tá ið váttan ella ummæli skal gerast til myndugleikar ella t.d tryggingarfeløg
- Samskifti við heilsustarvsfólk, læknar ella sjúkrahús
- Avrokning av viðgerð
- Í mun til skyldur til galdandi lóggávu, m.a. dátuverndarlógina, psykologlógina og aðra
viðkomandi lóggávu á heilsuøkinum, sum t.d.
- Journalskylda
- Meginreglur og viðgerðarheimild fyri viðgerð av persónupplýsingum
- Innlitsumbønir og klagur
- Hagtøl og vísindalig gransking
Fyri at loysa omanfyri nevndu uppgávur, er neyðugt at viðgera persónsupplýsingar.
Lógargrundarlag
Tínar persónsupplýsingar verða viðgjørdar sambært ásetingunum í Dátuverndar-lógini og “Anordningsbekendtgørelse nr. 807 af 20. juni 2018 af anordning om ikrafttræden for Færøerne af lov om psykologer m.v.” (Psykolog-lógin), herundir “Bekendtgørelse nr. 791 af 17. juni 2017 for Færøerne om autoriserede psykologers pligt til at føre ordnede optegnelser” (journalføringsbekendtgørelsen).
Viðgerðarheimildin til viðgerð av persónsupplýsingum er:
- í mun til vanligar upplýsingar:
- Dátuverndarlógin § 8, stk. 1, nr. 1 (samtykki)
- Dátuverndarlógin § 8, stk. 1, nr. 2 (halda avtalu)
- Dátuverndarlógin § 8, stk. 1, nr. 3 (rættarlig skylda)
- Dátuverndarlógin § 8, stk. 1, nr. 4 (verja altumráðandi áhugamál)
- í mun til viðkvæmar upplýsingar:
- Dátuverndarlógin § 12, stk. 1, nr. 1 (nágreiniligt samtykki)
- Dátuverndarlógin § 12, stk. 1, nr. 2 (lógarheimild)
- Dátuverndarlógin § 12, stk. 1, nr. 4 (verja altumráðandi áhugamál)
- Dátuverndarlógin § 12, stk. 1, nr. 8 (sjúkraviðgerð v.m.)
Innsavnan
SálarRó fær aloftast tínar persónsupplýsingarnar, ið skulu viðgerast, beinleiðis frá tær. Tú gevur hesar frívilliga, soleiðis at SálarRó kann veita tær sína tænastu. Tú hevur ikki skyldu at geva SálarRó hesar upplýsingar, men avleiðingin av ikki at geva upplýsingarnar er at SálarRó ikki fær veitt sína tænastu á nøktandi hátt og ikki givið tær neyðugu viðgerðina.
Upplýsingar kunnu eisini fáast frá øðrum pørtum, sum t.d. almennum myndugleikum ella stovnum, tryggingafeløgum ella øðrum privatpersónum.
Persónsupplýsingar
Hvørjar upplýsingar SálarRó viðgerð, veldst um hvat slag av tænastu ella viðgerð verður veitt, men aloftast fevnir tað um hesar upplýsingar:
- Vanligar persónsupplýsingar: Navn, bústað, telefonnumar, teldupost, kyn, familju-sambond, starv, útbúgving v.m.
- Viðkvæmar persónsupplýsingar: heilsuupplýsingar, upplýsingar um kynslig viðurskifti, revsiverd viðurskifti ella upplýsingar um munandi sosialar trupulleikar og onnur heilt privat viðurskifti.
Tagnarskylda
Allir sálarfrøðingar eru fevndir av tagnarskyldu, sbrt. § 152 og §§ 152 c-f í revsilógini.
Víðarilatan
Um so er at tað er neyðugt í samband við viðgerð av tær, verða tínar persóns-upplýsingar víðarilatnar til hesar móttakarar:
- starvsfólk innan heilsuverkið, um tað er neyðugt í samband við ítøkiliga viðgerðargongd
- almennar mynduleikar og stovnar, t.d. Almannaverkið ísv. avrokning og annað
- tryggingarfeløg – eftir avtalu við teg
Varðveitsla
SálarRó goymir persónsupplýsingarnar um teg, so leingi sum tørvur er á tí. Hetta merkir m.a. at so leingi vit hava eina viðgerðargongd, so verða upplýsingar um teg goymdar. Allir sálarfrøðingar hava skyldu til at føra journal og hava, sbrt. ‘journalføringsbekendtgørelsen § 6’, skyldu at goyma hesar í minsta lagið 5 ár ‘efter seneste tilførsel til journalen’. Tó kunnu sálarfrøðingar í serstøkum førum hava skyldu ella heimild til at goyma upplýsingarnar í longri tíð, t.d. í samband við klagur ella líknandi mál, og tá verða upplýsingarnar goymdar til málið er liðugt.
Tíni rættindi
Sambært Dátuverndarlógini kap. 4 hevur tú ávís rættindi í samband við viðgerð av tínum persónsupplýsingum. Tú hevur m.a. rætt til rætting av faktuellum skeivleikum (ikki fakligar metingar), striking, viðgerðaravmarking, mótmæli og dátuflutning. Tó skal viðmerkjast at hesi rættindi eru ikki treytaleys, tvs. at tað skal gerast ein ítøkilig meting í hvørjum føri. Tú kanst lesa meiri um tíni rættindi í Dátuverndarlógini kap. 4.
Um viðgerð er grundað á samtykki, hevur tú altíð rætt til at taka títt samtykki aftur og krevja, at upplýsingarnar verða strikaðar, treytað av at grundarlag er fyri striking. Tó skal viðmerkjast, at ein afturkalling av samtykki bert fær virknað fyri framtíðar viðgerð, tvs. Ikki fyri ta viðgerð, sum longu er framd.
Tú hevur, bæði sbrt. Dátuverndarlógini og Psykolog-lógini, ein ávísan rætt til innlit í tína journal.
Klaga
Tú hevur altíð møguleika at klaga til Dátueftirlitið, um tú ert ónøgd/-ur við viðgerð av tínum persónsupplýsingum.
Tú finnur kontaktupplýsingarnar hjá Dátueftirlitinum á www.dat.fo